​Ermənistanın atdığı top mərmiləri nəticəsində Tərtərdə qəbirlər dağılıb - FOTO

Bakı. 28 aprel. REPORT.AZ/ Ermənistan silahlı dəstələri son 3 gün ərzində Azərbaycanın təmas xəttinə yaxın ərazilərdə yerləşən yaşayış məntəqələrini atəşə tutmaqda davam edir.

"Report" xəbər verir ki, Tərtər rayonu ağır artilleriya qurğularından atəşə tutulan zaman top və qrad mərmilərindən bir neçəsi Qarağacı kənd məzarlığına düşüb.

Kənd icra nümayəndəsi Lətif Əliyevin verdiyi məlumata görə, 21 məzara ziyan dəyib. Qəbirlərdən 3-ü tamamən dağılıb, 18 qəbr qismən zərər çəkib.