Yuxarı

​Ermənilər Tərtərdə yenidən yanğınlar törədiblər

Alov rayonun Qarağacı, Qapanlı, Qaradağlı kəndlərinə doğru yaxınlaşıb

Bakı. 12 İyul. REPORT.AZ/ Ötən gecə Ermənistan silahlı qüvvələri cəbhənin Tərtər istiqamətində yenidən yanğınlar törədiblər.

"Report" xəbər verir ki, əvvəlcə keçmiş Ağdərə rayonunun işğal altında olan Qızıloba kəndinin ərazilərinə od vurulub.

Sonra alov qısa müddət ərzində genişlənərək Tərtərin Qarağacı, Qapanlı, Qaradağlı kəndlərinə doğru yaxınlaşıb. Yerli sakinlərin və Tərtər yanğınsöndürmə briqadalarının birgə səyi nəticəsində sözügedən yaşayış məntəqələrinin əkin sahələrinə zərər dəyməyib. Yanğın bu dəqiqələrdə də davam edir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi