Bakı. 26 sentyabr. REPORT.AZ/ Bakının Yasamal rayonu ərazisində piyadanın vurulması ilə nəticələnən yol-nəqliyyat hadisəsi baş verib.
"Report" xəbər verir ki, Hüseyn Cavid prospekti ilə hərəkət edən 2001-ci il təvəllüdlü Məhyəddinov Cahandar Əziz oğlunu minik avtomobili vurub.
Yaralı 1 saylı Kliniki Tibbi Mərkəzə yerləşdirilib.
Həkimlər onun vəziyyətini orta-ağır kimi qiymətləndirir.
Hadisəni törədən sürücü Yasamal Rayon Polis İdarəsinin əməkdaşları tərəfindən saxlanılıb.