Yuxarı
    Bağlamaq

    ​Əli Kərimlinin müşavirinin məhkəməsində zərərçəkmiş ifadə verib

    Məhkəmənin növbəti iclası yanvarın 22-nə təyin edilib

    Bakı. 11 yanvar. REPORT.AZ/ Bu gün Nərimanov Rayon Məhkəməsində Azərbaycan Xalq Cəbhəsi Partiyası (AXCP) sədrinin müşaviri Məmməd İbrahimin cinayət işi üzrə məhkəmə prosesi keçirilib.

    Bu barədə "Report"a M.İbrahimin vəkili Yalçın İmanov məlumat verib.

    Vəkil bildirib ki, hakim Turqay Hüseynovun sədrliyi ilə keçirilən prosesdə zərərçəkmiş Oruc Vəliyev ifadə verib. O, növbəti prosesdə vəsatətlə çıxış edəcəyini də əlavə edib.

    Məhkəmənin növbəti iclası yanvarın 22-nə təyin edilib.

    Qeyd edək ki, Məmməd İbrahim ötən il AXCP-dən ayrılmış Mikayıl Quliyevin şikayət ərizəsi əsasında başlanmış cinayət işi üzrə 2015-ci il sentyabrın 30-da həbs olunub. Əvvəlcə ona qarşı Cinayət Məcəlləsinin (CM) 221.1-ci (xuliqanlıq) maddəsiylə ittiham irəli sürülüb. Hadisədən bir ay sonra daha iki nəfər - Oruc Vəliyev və Məhəmməd Qurbanov da şikayət verərək bildiriblər ki, insident zamanı Məmməd İbrahim onları da vurub. Bundan sonra Məmməd İbrahimə qarşı ittiham irəli sürülən maddə ağırlaşdırılaraq CM-nin 221.2.2-ci maddəsinə tövsif olunub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi