Ekologiyaya ziyan vuran 17 nəfər barədə inzibati tənbeh tədbirləri görülüb

Ekologiyaya ziyan vuran 17 nəfər barədə inzibati tənbeh tədbirləri görülüb Bu istiqamətdə tədbirlər davam etdirilir
Hadisə
108
8 May , 2021 15:27
Ekologiyaya ziyan vuran 17 nəfər barədə inzibati tənbeh tədbirləri görülüb

Daxili İşlər Nazirliyinin (DİN) Baş İctimai Təhlükəsizlik İdarəsi Ekologiya və Təbii Sərvətlər Nazirliyinin müvafiq qurumları ilə birgə respublikanın şəhər və rayonlarında, meşə, park, müalicə-sağlamlıq, turizm zonalarının ərazilərində, su mənbələrinin və mineral bulaqların sanitar mühafizə zonalarında, Xəzər dənizinin sahil zolağında, çimərliklərdə məişət tullantılarının tutumundan (urnalardan) kənar yerlərə atılması, sənaye və məişət tullantılarının qalaqlanması, su obyektlərinin çirklənməsi və zibillənməsi hallarının qarşısının alınması məqsədilə tədbirlərini davam etdirir.

DİN-dən "Report"a verilən məlumata görə, təkcə cari ilin mart-aprel aylarında birgə keçirilən tədbirlər zamanı Bakı şəhərində və Abşeron rayonu ərazisində İnzibati Xətalar Məcəlləsinin 211-ci (sanitariya-gigyena və epidemiya əleyhinə rejimlərin pozulması), 264-cü (su obyektlərinin mühafizə qaydalarının pozulması), 271-ci (sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl edilməməsi) və 541-ci (ətraf mühitin mühafizəsinə nəzarəti həyata keçirən müvafiq icra hakimiyyəti orqanının tələblərinin yerinə yetirilməməsi) maddələrinin tələblərini pozmuş 17 fiziki, hüquqi və vəzifəli şəxs müəyyən edilərək barələrində inzibati tənbeh tədbirləri tətbiq olunub.
Ümumilikdə, cari ilin 4 ayı ərzində şəhər, rayon polis orqanları tərəfindən bu istiqamətdə həyata keçirilən tədbirlər nəticəsində İnzibati Xətalar Məcəlləsinin 264-cü (su obyeklərinin mühafizə qaydalarının pozulması), 266.3-cü (məişət tullantılarının tutumlardan (urnalardan) kənara atılması) və 271-ci (sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl edilməməsi) maddələrinin tələblərini pozmuş 650 nəfər barəsində inzibati tənbeh tədbirləri tətbiq olunub.
Bu istiqamətdə tədbirlər davam etdirilir.

Son xəbərlər

Orphus sistemi