Əfv sərəncamı 17 saylı cəzaçəkmə müəssisəsində icra olundu

Əfv sərəncamı 17 saylı cəzaçəkmə müəssisəsində icra olundu Prezident İlham Əliyevin imzaladığı “Məhkum edilmiş bir sıra şəxslərin əfv olunması haqqında” sərəncamı Ədliyyə Nazirliyi Penitensiar xidmətin 17 saylı cəzaçəkmə müəssisəsində icra olunub
Hadisə
149
19 Mart , 2021 11:00
Əfv sərəncamı 17 saylı cəzaçəkmə müəssisəsində icra olundu

Prezident İlham Əliyevin imzaladığı “Məhkum edilmiş bir sıra şəxslərin əfv olunması haqqında” sərəncamı Ədliyyə Nazirliyi Penitensiar xidmətin 17 saylı cəzaçəkmə müəssisəsində icra olunub.

“Report” xəbər verir ki, məhbusların cəza çəkdiyi bu cəzaçəkmə müəssisəsində sərəncam ümumilikdə 13 nəfərə şamil olunub.

Tədbir zamanı Ədliyyə Nazirliyi İnsan hüquqları və ictimaiyyətlə əlaqələr idarəsinin rəisi Aynur Sabitova, Penitensiar xidmətinin rəis müavini, ədliyyə general-mayoru Orxan Qasımov, hüquq müdafiəçisi Səadət Bənənyarlı 11 məhkuma arayışlar təqdim ediblər və onlar azadlığa buraxılıb. Sərəncama əsasən, 2 məhkumun cəzası isə yarıya endirilib.

Azadlığa çıxanlardan üçü - Əfqanıstan, Gürcüstan, İran İslam Respublikasının vətəndaşlarıdır.

Xatırladaq ki, Prezident İlham Əliyevin martın 18-də imzaladığı "Məhkum edilmiş bir sıra şəxslərin əfv olunması haqqında" sərəncam, ümumilikdə, 625 nəfərə şamil olunub.

Son xəbərlər

Orphus sistemi