Dünən Azərbaycanda yol qəzalarında 4 nəfər ölüb

Dünən Azərbaycanda yol qəzalarında 4 nəfər ölüb 6 yol-nəqliyyat hadisəsi baş verib
Hadisə
28 Mart , 2018 09:13
Dünən Azərbaycanda yol qəzalarında 4 nəfər ölüb
Report

Bakı. 28 mart. REPORT.AZ/ Martın 27-dən 28-dək Azərbaycanın daxili işlər orqanlarında qeydə alınan cinayət və hadisələr haqqında statistik məlumatlar açıqlanıb. 

Daxili İşlər Nazirliyinin mətbuat xidmətindən "Report"a verilən məlumata görə, respublikanın daxili işlər orqanları tərəfindən gün ərzində 83 cinayət faktı qeydə alınıb, onların da 16-sı “isti izlər”lə açılıb.

Əvvəlki dövrlərdən bağlı qalmış 15 cinayətin açılması təmin olunub. Axtarışda olduğuna görə 31 nəfər saxlanılaraq aidiyyatı üzrə təhvil verilib.

Respublikanın avtomobil yollarında 6 yol-nəqliyyat hadisəsi baş verib, nəticədə 4 nəfər ölüb, 3 nəfər xəsarət alıb.

Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 8 fakt müəyyən edilib.

Cinayət törətməkdə şübhəli bilinən 32 nəfər saxlanılıb.

Orphus sistemi