Yuxarı

Dövlət Agentliyinin əməkdaşlarının keçirdiyi qəzada ölən və yaralananların adları məlum olub

Dövlət Agentliyinin əməkdaşlarının keçirdiyi qəzada ölən və yaralananların adları məlum olub
Faktla bağlı araşdırma aparılır

Ağdaş. 24 noyabr. REPORT.AZ/ Ağdaşda avtomobil qəzası zamanı ölən və yaralananların adları məlum olub.

"Report"un Qərb bürosunun məlumatına görə, 90-KO-511 dövlət qeyddiyyat nışanlı "Hyundai Tucson" markalı avtomobilin idarəetmədən çıxaraq aşması nəticəsində sərnişinlərdən biri hadisə yerində ölüb. 

Avtomobilin sürücüsü, Bakı şəhəri, Nizami rayon sakini, 1987-ci il təvəllüdlü Seymur Firuddin oğlu İbrahimov və digər sərnişinlər -  Bakı şəhəri, Yasamal rayon sakini, 1991-ci il təvəllüdlü Nicat Qüvvətəli oğlu Şirinov və Abşeron rayonu, Xırdalan şəhər sakini, 1972-ci il təvəllüdlü Qətibə Zəfər qızı Yaqubova müxtəlif dərəcəli bədən xəsarətləri alıblar. Yaralılardan ikisinin müalicəsi hazırda Mingəçevir Şəhər Mərkəzi Xəstəxanasında, Q.Yaqubovanın müalicəsi isə Gəncə şəhər Beynəlxalq Xəstəxanada davam etdirilir.

Qeyd edək ki, qəzaya düşənlər Nazirlər Kabineti yanında İcbari Tibbi Sığorta Üzrə Dövlət Agentliyinin ekspertləridir.

Faktla bağlı araşdırma aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi