Daxili İşlər Nazirliyi (DİN) sosial şəbəkələrdə yaşlı qadının mal-qarasının oğurlanması ilə bağlı yayılan videogörüntülərə münasibət bildirib.
DİN-in Gəncə regional qrupunun baş inspektoru, polis baş leytenantı Eşqin Qasımov "Report"un sorğununa cavab olaraq bildirib ki, videogörüntülərlə bağlı Qazax Rayon Polis Şöbəsində müvafiq araşdırmalara başlanılıb:
“Tezliklə araşdırmaların nəticəsi barədə ictimaiyyətə əlavə məlumat veriləcək”.
Qeyd edək ki, sosial şəbəkələrdə Qazax rayonunun Aslanbəyli kənd sakini olan 63 yaşlı qadın videomüraciət edərək mal-qarasının oğurlandığını, lakin polis əməkdaşları tərəfindən araşdırmaların aparılmadığını deyib.
DİN: Qazaxda mal-qaranın oğurlanması araşdırılır
Hadisə
27 Dekabr , 2020
15:18
![DİN: Qazaxda mal-qaranın oğurlanması araşdırılır DİN: Qazaxda mal-qaranın oğurlanması araşdırılır](https://static.report.az/photo/0799d0cb-f6e2-30e2-9d55-c8e798669f48_850.jpg)
![](https://report.az/images/views.png?id=1336171&lang=az&x=1725754019.9126)
Son xəbərlər
![Orphus sistemi](/public/images/orphus.gif)