DİN bazarlarda vətəndaşlardan COVID-19 pasportu tələb olunması xəbərlərinə münasibət bildirib

DİN bazarlarda vətəndaşlardan COVID-19 pasportu tələb olunması xəbərlərinə münasibət bildirib Bakıda bazarlara gedən vətəndaşlardan COVİD-19 pasportu tələb olunmasına dair iddialar yayılıb.
Hadisə
343
18 Avqust , 2021 15:34
DİN bazarlarda vətəndaşlardan COVID-19 pasportu tələb olunması xəbərlərinə münasibət bildirib

Bakıda bazarlara gedən vətəndaşlardan COVID-19 pasportu tələb olunmasına dair iddialar yayılıb.

“Report” xəbər verir ki, yayılan iddialara görə, “Sədərək” Ticarət Mərkəzi və "8-ci km bazarı" kimi tanınan bazarda polis əməkdaşları bazara daxil olan şəxslərin vaksinasiya olunub-olunmadığını yoxlayıblar.

DİN Mətbuat Xidmətinin KİV və ictimaiyyətlə əlaqələr şöbəsinin rəisi Elşad Hacıyev "Report"a açıqlamsında iddianın həqiqətə uyğun olmadığını bildirib:

“Əhalinin sıx olduğu bazarlarda vətəndaşlardan COVID-19 pasportu tələb olunması ilə bağlı yayılan məlumatlar həqiqəti əks etdirmir. Vətəndaşlar sözügedən yerlərdə sosial məsafəyə əməl edərək və tibbi maskalardan istifadə etmək şərti ilə hərəkət edə bilərlər. Bu normanın qorunması ilə bağlı xidmətə cəlb olunan polis naryadları tərəfindən nəzarət-profilaktik tədbirlər həyata keçirilir”.

Son xəbərlər

Orphus sistemi