Yuxarı
    Bağlamaq

    Dələduzluqda təqsirləndirilən şəxs məhkəmə zalından azadlığa buraxılıb

    Ona şərti cəza verilib

    Bakı. 2 sentyabr. REPORT.AZ/ Bu gün Bakı Ağır Cinayətlər Məhkəməsində dələduzluqda təqsirləndirilən Rüfət Niftiyevin cinayət işi üzrə məhkəmə prosesi başa çatıb.

    "Report"un məlumatına görə, hakim Əhməd Quliyevin sədrliyi ilə keçirilən prosesdə hökm oxunub.

    Məhkəmənin hökmü ilə R.Niftiyevə şərti cəza verilib. O, məhkəmə zalından azadlığa buraxılıb.

    Qeyd edək ki, ittiham aktına əsasən, R.Niftiyev "OMİD" tikinti mallarının topdan satış mərkəzindən 20 min manatlıq mal götürüb və pulunu ödəməyib.

    O, məhkəmədə ifadə verərək özünü təqsirli bilmədiyini deyib. Zərərçəkmiş şəxs qismində Dursun Osmanov tanınıb.

    R.Niftiyev Cinayət Məcəlləsinin 178.3.2-ci (dələduzluq, külli miqdarda törəldildikdə) maddəsi ilə ittiham edilib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi