Dəhşətli qətlin təfərrüatı: gözdən əlili öldürənlə bağlı qərar verildi

Dəhşətli qətlin təfərrüatı: gözdən əlili öldürənlə bağlı qərar verildi Apellyasiya şikayəti təmin edilməyib və O.Yusifli barədə hökm dəyişdirilmədən saxlanılıb
Hadisə
529
17 Fevral , 2021 15:47
Dəhşətli qətlin təfərrüatı: gözdən əlili öldürənlə bağlı qərar verildi

Şəki Apellyasiya Məhkəməsində 1-ci qrup əlili öldürən Orxan Yusiflinin şikayətinə baxılıb.

“Report”un əldə etdiyi məlumata görə, hakim İmanverdi Şükürovun sədrlik etdiyi iclasda qərar elan edilib.

Qərara əsasən, apellyasiya şikayəti təmin edilməyib və O.Yusifli barədə hökm dəyişdirilmədən saxlanılıb.

Qeyd edək ki, O.Yusifli Şəki Ağır Cinayətlər Məhkəməsinin hökmü ilə 17 il müddətinə azadlıqdan məhrum edilib.

O, xüsusi amansızlıqla, təqsirkar şəxs üçün aşkar surətdə köməksiz vəziyyətdə olan adamı quldurluq məqsədilə öldürmə əməllərində təqsirli bilinib.

Hadisə 2020-ci ilin yanvar ayında Şəki şəhərində yerləşən fərdi yaşayış evində baş verib. 1976-cı il təvəllüdlü, 1-ci qrup əlil Eyvaz Səmədovun üzərində zorakılıq əlamətləri olan meyitinin aşkar olunması barədə məlumat daxil olub. Faktla bağlı Şəki Rayon Prokurorluğunda Cinayət Məcəlləsinin müvafiq maddələri ilə cinayət işi başlanıb. Təxirəsalınmaz istintaq tədbirləri ilə hadisənin şəhər sakini, 1993-cü il təvəllüdlü Orxan Yusifli tərəfindən törədilməsi müəyyən edilib və o, tutularaq istintaqa cəlb edilib.

İstintaqla müəyyən edilib ki, O.Yusifli gözdən əlil E.Səmədovun Türkiyəyə getmək istəməsi barədə məlumatlı olub. Onun üzərində iki telefon və 3 bank kartı olduğunu bildiyi üçün öldürərək ələ keçirmək istəyib. Bu məqsədlə Eyvazı aldadaraq onu dayısına məxsus tikintisi tam başa çatdırılmamış və yaşayış olmayan evə apararaq ikinci mərtəbədən onu yerə itələyib. Daha sonra qabaqcadan evin ikinci mərtəbəsinə qaldırıb hazır vəziyyətdə qoyduğu 3 ədəd mişar daşını (kubik) onun üzərinə doğru atıb. Məqsədinə tam nail olmaq üçün E.Səmədova çoxsaylı bıçaq zərbələri də vuraraq öldürüb. Daha sonra ona məxsus iki mobil telefon və 3 bank kartını götürərək hadisə yerini tərk edib.

Son xəbərlər

Orphus sistemi