Yuxarı
    Bağlamaq

    Daşkəsəndə kütləvi dava: 4 yaralı

    Hadisə rayonun Əmirvar kəndinin ərazisində baş verib

    Bakı. 26 iyul. REPORT.AZ/ Daşkəsən rayonunda baş verən kütləvi dava nəticəsində dörd nəfər xəsarət alıb. "Report"un məlumatına görə, hadisə rayonun Əmirvar kəndinin ərazisində baş verib.

    Belə ki, Şəmkir rayonunun Könüllü kəndinin sakinləri sürülərini otarmaq məqsədi ilə heyvanlarını Daşkəsən rayonunun ərazisindəki yaylaqlara gətiriblər.

    İddiaya görə, yolda heyvanların bir hissəsi Daşkəsən rayonunun Əmirvar kənd sakinləri Alim Alıyev və Fariz Məmmədova məxsus torpaq sahələrinə keçiblər.

    Nəticədə çobanlarla torpaq sahibləri arasında yaranan mübahisə münaqişəyə çevrilib.

    Kütləvi dava nəticəsində 1990-cı il təvəllüdlü Alim Alıyev beyin silkələnməsi diaqnozu ilə Gəncə Şəhər Təcili Tibbi Yardım Xəstəxanasına çatdırılıb. 

    Kəllə-beyin travması alan Fariz Məmmədovun vəziyyətinin ağır olduğu və Bakıya göndərildiyi bildirilir.

    Daha iki həfərə ambulator yardım göstərilib.

    Fakta bağlı Daşkəsən Rayon Polis Şöbəsində araşdırma aparılır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi