Yuxarı

Daşkəsəndə güclü külək evlərin və inzibati binaların dam örtüklərini dağıdıb - FOTO

Hazırda təbii fəlakətin vurduğu ziyanın tamamilə aradan qaldırılması üçün tədbirlər görülür

Şəmkir. 27 avqust.REPORT.AZ / Daşkəsən rayonunda baş verən qasırğa bina və evlərdə, o cümlədən, rayonun yol, elektrik, rabitə təsərrüfatlarında fəsadlar törədib. 

Daşkəsən Rayon İcra Hakimiyyətindən “Report”un Qərb bürosuna verilən məlumata görə, axşam saat 20 radələrindən başlayan və yağış ilə müşahidə olunan güclü külək əsməsi nəticəsində Daşkəsən şəhərində10-dan çox yaşayış və sosial-inzibati binalarının dam örtüyü qismən və tamamilə dağılıb.

Məlumata görə, bir neçə ağac aşıb, elektirik və rabitə xəttləri qırılıb. Avtomobillərin hərəkətində çətinliklər yaranıb. Qasırğa nəticəsində rayona enerjinin verilməsi dayanıb. Yaranmış 4 saatlıq fasilədən sonra elektrik enerjisi geçə saatlarında bərpa olunub. Təbii fəlakət zamanı xəsarət alan olmayıb.

Hazırda təbii fəlakətin vurduğu ziyanın tamamilə aradan qaldırılması üçün tədbirlər görülür.

İcra Hakimiyyətindən bildirilib ki, son illər rayon ərazisində belə güclü külək müşahidə olunmayıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi