Daşkəsən sakininin Şəmkirdə kirayə qaldığı evdən yanmış meyiti tapılıb

Bakı. 13 yanvar. REPORT.AZ/ Şəmkir rayonunda fərdi yaşayış evində yanğın olub. 

"Report"un Qərb bürosunun məlumatına görə, hadisə rayonun Yeni Həyat kəndi ərazisində baş verib.

Belə ki, kənd sakini Xumar Həsənovaya məxsus ev yanıb. Yanğın söndürüldükdən sonra orada kirayədə yaşayan Daşkəsən rayon sakini Rafiq Əsgərovun yanmış meyiti tapılıb.

Faktla bağlı araşdırmalara başlanılıb.