Coratda silah-sursat aşkar edilib

Sumqayıt şəhərinin Corat qəsəbəsində silah-sursat aşkar edilib.

Bu barədə “Report”a Fövqəladə Hallar Nazirliyindən (FHN) məlumat verilib.

Bildirilib ki, FHN-in Xüsusi Riskli Xilasetmə Xidmətinin (XRXX) minalardan təmizləmə üzrə çevik qrupu hadisə yerinə cəlb edilib. Hadisə yerinə baxış zamanı aşkarlanmış silah-sursatın döyüş tətbiqinə yararlı 1 ədəd F-1 əl qumbarası, 1 ədəd RQD-5 əl qumbarası, 1 ədəd UZRQM partladıcısı, 1 ədəd 7,62 mm-lik AK-74 avtomatı, 1 ədəd AK-74 avtomatının güllə darağı və 28 ədəd 7,62 mm-lik güllə olduğu müəyyənləşib.

Silah-sursatlar ərazidən götürülüb, hadisə yerində, ona yaxın ətraf ərazidə digər təhlükəli və ya şübhəli əşya aşkar edilməyib.

Coratda silah-sursat aşkar edilib