Ceyranbatan su anbarının yaxınlığında baş verən yanğın söndürülüb

Abşeron rayonunun Ceyranbatan qəsəbəsində, Ceyranbatan su anbarının yaxınlığında baş verən yanğın söndürülüb.

Bu barədə "Report"a FHN-dən məlumat verilib.

Yanğın zamanı 1 ha sahədə quru ot və kol-kos yanıb.

Yanğın Dövlət Yanğından Mühafizə Xidmətinin yanğından mühafizə bölmələri və Xüsusi Riskli Xilasetmə Xidmətinin şəxsi heyəti tərəfindən söndürülüb.

Yaxınlıqdakı ağaclar yanğından mühafizə olunub.

18:02

Abşeron rayonu, Ceyranbatan qəsəbəsi ərazisində yerləşən su anbarının yaxınlığında, mühafizə zolağından kənarda kol-kos yanıb.

"Report" xəbər verir ki, yanğın Fövqəladə Hallar Nazirliyinin yanğınsöndürən qüvvələri tərəfindən məhdudlaşdırlıb, geniş əraziyə yayılmasının qarşısı alınıb.

Əməliyyat tam bitəndən sonra ətraflı məlumat veriləcək.