Cəlilabadda yolun bir hissəsi çöküb

Cəlilabad şəhərində yolun bir hissəsində çökmə baş verib.

"Report"un Muğan bürosunun məlumatına görə, hadisə şəhərin Fərid Əhmədov küçəsində qeydə alınıb.

Məsələ ilə bağlı Cəlilabad rayon icra hakimiyyəti başçısının şəhər inzibati ərazi dairəsi üzrə nümayəndəliyindən bildirilib ki, bu barədə məlumatlıdırlar və yaxın zamanda problem aradan qaldırılacaq:

"Ərazidən keçən kanalizasiya xəttində yaranmış nasazlıq səbəbindən yolda çökmə baş verib. Hava şəraiti yaxşılaşan kimi çökən hissədə təmir-bərpa işlərinə başlanılacaq".