Cəlilabad rayonunda iki nəfərin xəsarət alması ilə nəticələnən yol qəzası baş verib.
"Report"un Muğan bürosunun məlumatına görə, hadisə rayonun Privolnoye kəndi ərazisində qeydə alınıb.
Belə ki, qəza zamanı "VAZ 2107" və "VAZ 2106" markalı minik avtomobilləri toqquşub.
Hadisə nəticəsində rayonun Privolnoye kənd sakinləri - 1988-ci il təvəllüdlü Süleymanov Anar Rəsul oğlu və 1987-ci il təvəllüdlü Rəhimov Ruslan Nizami oğlu xəsarət alıb.
Yaralılar rayon xəstəxanasına aparılıb.
Faktla bağlı araşdırma aparılır.