Cəlilabadda yol qəzası olub, xəsarət alan var 

Cəlilabadda xəsarətlə nəticələnən yol qəzası baş verib.

"Report"un Muğan bürosunun məlumatına görə, hadisə yeni Ələt-Astara avtomobil yolunun rayon ərazisindən keçən hissəsində qeydə alınıb.

Belə ki, hərəkətdə olan minik avtomobili yolun kənarındakı maneə çırpılıb.

Qəza nəticəsində sürücü qolundan xəsarət alıb. Ona lazımi tibbi yardım göstərilib.

Faktla bağlı araşdırma aparılır.