Cəlilabadda yol qəzası olub, iki yeniyetmə xəsarət alıb

Cəlilabad rayonunda iki nəfərin xəsarət alması ilə nəticələnən yol qəzası baş verib.

"Report"un Muğan bürosunun məlumatına görə, hadisə rayon ərazisində qeydə alınıb. Belə ki, iki minik avtomobilinin toqquşması nəticəsində rayon sakinləri - 2006-ci il təvəllüdlü Həsənov Azər Nurəddin oğlu və 2007-ci il təvəllüdlü Kərimov Sərxan Əli oğlu xəsarət alıb. Yaralılar xəstəxanaya yerləşdirilib.

Faktla bağlı araşdırma aparılır.