Cəlilabadda yanğın olub

Cəlilabad rayonunda yanğın hadisəsi baş verib. 

“Report”un Aran bürosu xəbər verir ki, rayonun Abdullu kənd sakini Ağaşükür Haqverdiyevə məxsus tövlə qəfildən yanmağa başlayıb.

Hadisə yerinə 2 yanğınsöndürən maşın cəlb olunub.

Yanğın söndürülüb və alovun digər tikililərə keçməsinin qarşısı alınıb. Bununla belə tövlədə yığılmış 300-dən çox ot bağlaması yanaraq yararsız hala düşüb. Hadisənin hansı səbəbdən  baş verdiyi hələlik məlum deyil.

Faktla bağlı araşdırma aparılır.