Yuxarı

Cəlilabadda yaxınları dünyasını dəyişən şəxslər təcili yardım işçilərini döyüblər - FOTO

Digər hadisə zamanı bir qrup şəxs xəstə aparan təcili tibbi yardım avtomobilinin qarşısını kəsərək avtomobilə zərbələr endirib

Bakı. 30 dekabr. REPORT. AZ/ Cəlilabadda çağırışa gedən təcili yardım işçiləri döyülüb. "Report" xəbər verir ki, hadisə rayonun Mirzə Ələkbər Sabir küçəsində baş verib.

Məlumata görə, çağırış yerinə ezam olunan həkimlər sözügedən ünvana çatdıqda ev sahibləri həkim Ruslan Sadıqova yumruq zərbələri endirərək onu döyməyə başlayıblar.

Həkimlərin sözlərinə görə, onlar çağırış yerinə 3 dəqiqə ərzində çatıblar. Lakin ev sahibi xəstənin dünyasını dəyişidiyini əsas gətirərək onlara qarşı güc tətbiq edib.

Cəlilabadda baş verən digər hadisə zamanı bir qrup şəxs xəstə aparan təcili tibbi yardım avtomobilinin qarşısını kəsərək avtomobilə zərbələr endirib.

Hər iki hadisə ilə bağlı Cəlilabad Rayon Polis Şöbəsində araşdıma aparılır. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi