Yuxarı
    Bağlamaq

    Cəlilabadda sürüşmə aktivləşib, bir neçə ev təhlükə ilə üzləşib - FOTO

    Yerli sakinlər evlərinin sürüşmə nəticəsində uça biləcəyindən narahatdırlar

    Cəlilabad. 2 mart. REPORT.AZ/ Cəlilabad rayonunda qarın əriməsi sürüşmə zonalarında aktivliyi artırıb.

    “Report”un Aran bürosu xəbər verir ki, rayonun Sadatlı kəndində Yeddi Bulaq adlanan ərazidə bır neçə ev təhlükə ilə üzləşib. 

    Artıq bəzi evlərin həyətlərində torpaq sürüşməsi nəticəsində iri çatlar əmələ gəlib. Kənd sakinlərinin sözlərinə görə, çatlara qar sularının dolması sürüşməni hər gün daha da artırır. Yerli sakinlər evlərinin sürüşmə nəticəsində uça biləcəyindən narahatdırlar.

    Kənd üçün digər təhlükə isə təpəlik ərazilərdə sürüşən iri torpaq laylarının axaraq evlərə doğru hərəkət etməsidir.

    Mövcud məsələ ilə bağlı kənd sakinləri Cəlilabad Rayon Fövqəladə Hallar Komissiyasına məlumat veriblər.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi