Cəlilabadda narkotik vasitənin təsiri altında avtomobil idarə edən sürücü saxlanılıb

Cəlilabad Rayon Polis Şöbəsinin Dövlət Yol Polisi Bölməsinin əməkdaşları tərəfindən rayon ərazisində "Volkswagen" markalı nəqliyyat vasitəsi ilə yol hərəkəti qaydalarını pozduğuna görə sürücü S.Aslanlıya “saxla” işarəsi verilib.

"Report"un Muğan bürosunun məlumatına görə, hərəkətləri şübhə doğurduğu üçün müvafiq tibbi müayinədən keçirilməsi təmin edilən sürücünün narkotik vasitə və spirtli içki qəbul etdiyi müəyyən olunub.

S.Aslanlı barəsində protokol tərtib edilərək baxılması üçün rayon məhkəməsinə göndərilib.