FHN Cəlilabadda məktəbdə yanğınla bağlı məlumat yayıb

Fövqəladə Hallar Nazirliyi (FHN) Cəlilabadda məktəbdə baş verən yanğınla bağlı məlumat yayıb.

FHN-dən "Report"a verilən məlumata görə,3 saylı tam orta məktəbin yerləşdiyi, ümumi sahəsi 350 m² olan birmərtəbəli korpusda döşəmə 5 m² sahədə yanıb. Binanın qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.

13:36

Cəlilabad rayonunda orta məktəbdə yanğın hadisəsi baş verib.

"Report"un Muğan bürosunun məlumatına görə, hadisə rayonun 3 nömrəli tam orta məktəbində qeydə alınıb.

Yanğının söndürülməsi üçün hadisə yerinə 2 yanğınsöndürən maşın cəlb olunub, yanğın söndürülüb.

Hadisə dərs vaxtı baş versə də, şagirdlər vaxtında təxliyə olunub. Hadisə zamanı xəsarət alan olmayıb.

İlkin məlumata görə, hadisə nəticəsində 1 sinif otağı yanıb.

Faktla bağlı araşdırma aparılır.