Cəlilabadda iki yaşlı uşaq sirkə turşusundan zəhərlənib

Cəlilabad rayonunda bədbəxt hadisə baş verib.

"Report"un Muğan bürosunun məlumatına görə, hadisə rayon sakini, 2020-ci il təvəllüdlü Ə.X. (ad-soyad şərtidir) sirkə turşusu içib.

Azyaşlı oğlan Cəlilabad rayon Mərkəzi Xəstəxanasına aparılıb.

Xəstəxanada ona ilkin tibbi yardım göstərilərək, xəstəxananın reanimasiya şöbəsinə yerləşdirilib.

Daha sonra vəziyyəti ağır olduğu üçün Bakıdakı xəstəxanalarından birinə təxliyyə edilib.

Faktla bağlı araşdırma aparılır.