Cəlilabad. 9 noyabr. REPORT.AZ/ Cəlilabad rayonunda piyadanın xəsarət alması ilə nəticələnən yol qəzası baş verib.
"Report"un Muğan bürosunun məlumatına görə, hadisə rayonun Qarayar kəndi ərazisində qeydə alınıb.
Belə ki, rayonun Suluçeşmə kənd sakini, 1993-cü il təvəllüdlü İbrahim Ələsgər oğlu Bağırovu yolu keçmək istəyərkən avtomobil vurub. Yaralı sürücü tərəfindən xəstəxanaya çatdırılıb.
Faktla bağlı araşdırma aparılır.