Bakıdan Cəlilabada toya gedən şəxsi avtomobil vuraraq öldürüb - YENİLƏNİB

Cəlilabadda yol qəzasında ölən piyadanın kimliyi məlum olub.

"Report"un Muğan bürosunun məlumatına görə, həmin şəxs 1985-ci il təvəllüdlü Abbasəliyev Balala Məmmədağa oğludur.

Mərhum Bakı şəhərindən Cəlilabad rayonuna toy məclisinə gedibmiş.

Faktla bağlı araşdırma aparılır.

Cəlilabadda ölümlə nəticələnən ağır yol qəzası baş verib.

"Report"un Muğan bürosunun məlumatına görə, hadisə Ələt-Astara magistralının rayondan keçən hissəsində qeydə alınıb. Belə ki, "Mercedes" markalı avtomobil piyadanı vuraraq öldürüb.

Hazırda ölən şəxsin kimliyi müəyyənləşdirilir.

Faktla bağlı araşdırma aparılır.