Yuxarı

Cəlilabadda avtomobil piyadanı vuraraq öldürüb, sürücü qaçıb - FOTO

Sürücünün tapılması istiqamətində axtarışlar davam etdirilir

Cəlilabad. 22 sentyabr. REPORT.AZ/ Cəlilabad rayonunda piyadanın ölümü ilə nəticələnən yol-nəqliyyat hadisəsi baş verib.

“Report”un Aran bürosu xəbər verir ki, hadisə ötən gün axşam saatlarında rayonun Heydər Əliyev prospektində qeydə alınıb.

Naməlum avtomobil yolu keçmək istəyən Astanlı kənd sakini, 48 yaşlı Nadir Məmmədovu vurub. Piyada aldığı xəsarətlərdən dünyasını dəyişib. Sürücü isə hadisə yerindən qaçıb.

Avtomobilin qırılaraq yerə tökülmüş ehtiyat hissələrindən onun “VAZ-2106” olduğu ehtimal edilir.

Hadisəni törədən sürücünün tapılması istiqamətində axtarışlar davam etdirilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi