Cəlilabadda avtomobil 10 yaşlı uşağı vurub

Cəlilabad. 26 noyabr. REPORT.AZ/ Cəlilabad rayonunda piyadanın vurulması ilə nəticələnən yol qəzası baş verib.

"Report"un Muğan bürosunun məlumatına görə, hadisə Cəlilabad şəhəri ərazisində qeydə alınıb.

Şəhər sakini, 2008-ci il təvəllüdlü Musayeva Zəhra Şövqü qızını minik avtomobili vurub. Yaralı xəstəxanaya çatdırılıb və ona tibbi yardım göstərilib.

Faktla bağlı araşdırma aparılır.