Cəlilabadda yol qəzasında xəsarət alanlardan biri Bakıdakı xəstəxanaya köçürülüb - YENİLƏNİB-3

Bu gün Cəlilabad rayonunda baş verən ağır yol qəzasında xəsarət alan Mehrac Qəhrəmanov Bakı şəhərində yerləşən xəstəxanalardan birinə təxliyə edilib.

"Report"un Muğan bürosunun məlumatına görə, onun durumu ağırdır.

14:28

Cəlilabad rayonunda ağır yol qəzasında xəsarət alan 3 nəfərin (1 kişi, 2 qadın) vəziyyəti orta ağır, 2 nəfərin (kişi cinsli) durumu isə kritik ağır olaraq qiymətləndirilir.

Bu barədə "Report"un yerli bürosuna TƏBİB-dən bildirilib.

Qeyd olunub ki, dekabrın 14-də saat 10:00 radələrində Cəlilabad rayonunda baş verən qəza ilə əlaqədar 5 nəfər (3 kişi, 2 qadın olmaqla) Cəlilabad Rayon Mərkəzi Xəstəxanasının Reanimasiya şöbəsinə yerləşdirilib.

"Onlara müxtəlif nahiyələrin küt travması, daxili qanaxma, kəllə sümüklərinin açıq sınığı və qarın boşluğu orqanlarının zədələnməsi diaqnozları qoyulub", - qurumdan bildirilib.

12:34

Cəlilabadda ağır yol qəzasında ölən və xəsarət alanların şəxsiyyəti məlum olub.

"Report"un Muğan bürosunun məlumatına görə, ölən şəxs Biləsuvar rayonu Xırmandalı kənd sakini, 1991-ci il təvəllüdlü Cəfərli Xosrov Xanverdi oğludur.

Xəsarət alanlar isə 1987-ci il təvəllüdlü Ülkər Səmədova, 1964-cü il təvəllüdlü Zemfira Ağayeva, 1986-cı il təvəllüdlü Rəşad Rzayev, 1993-cü il təvəllüdlü Şövqi Qasımlı və Mehrac Qəhrəmanovdur.

Yaralılardan ikisinin vəziyyəti kritik ağırdır.

10:16

Cəlilabad rayonunda ağır yol qəzası baş verib.

"Report"un Muğan bürosunun məlumatına görə, iki minik avtomobili toqquşub.

İlkin məlumata görə, 1 nəfər ölüb, bir neçə nəfər isə yaralanıb. Hazırda onların şəxsiyyəti dəqiqləşdirilir.

Yaralılar xəstəxanaya çatdırılır.

Faktla bağlı araşdırma aparılır.