Cəlilabadda 9 kiloqram narkotik vasitə və psixotrop maddə aşkarlanıb

Cəlilabadda 9 kiloqram narkotik vasitə və psixotrop maddə aşkarlanıb.

Bu barədə "Report"a Daxili İşlər Nazirliyinin Lənkəran regional qrupundan məlumat verilib.

Bildirilib ki, Cəlilabad rayonunda polis əməkdaşlarının həyata keçirdikləri tədbirlərlə narkotiklərin qanunsuz dövriyyəsində şübhəli bilinən əvvəllər məhkum olunmuş 24 yaşlı Ruslan Hacıyev saxlanılıb.

Ondan 9 kiloqram həşiş qətranı, marixuana, metamfetamin və 100 ədəd narkotik tərkibli metadon həbi aşkarlanıb. Faktla bağlı cinayət işi başlanılıb, R.Hacıyev barəsində həbs qətimkan tədbiri seçilib.

Araşdırma aparılır.