Yuxarı

​Tərtərdə hərbi sursatın partlaması nəticəsində azyaşlı xəsarət alıb

Tərtər Rayon Mərkəzi Xəstəxanasına aparılan azyaşlı ambulator müayinədən sonra evə buraxılıb

Bakı. 16 iyun. REPORT.AZ/ Tərtər rayonun Əskipara kəndinin azyaşlı sakini hərbi sursatın partlaması nəticəsində xəsarət alıb. "Report" xəbər verir ki, kənddə müvəqqəti məskunlaşmış Laçın rayonundan olan məcburi köçkün, 8 yaşlı Elvin Hüseynlinin həyətdə təmizlik işləri apararkən əlindəki kibritlə çöldə toplanmış tullantılara od vurması partlayışa səbəb olub.

Nəticədə azyaşlı müxtəlif dərəcəli bədən yanıq xəsarətləri alıb. Dərhal Tərtər Rayon Mərkəzi Xəstəxanasına aparılan uşaq ambulator müayinədən sonra evə buraxılıb.

Hazırda azyaşlının vəziyyəti orta ağırdır.

Qeyd edək ki, azyaşlının agır yaralanmasına səbəb olan hərbi sursatın adı hələlik məlum deyil.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi