Bakı. 23 aprel. REPORT.AZ/ Bakının Binəqədi rayonunda piyada yol qəzasına səbəb olub.
“Report”un məlumatına görə, hadisə Azadlıq prospektində baş verib.
Qəza zamanı 13 saylı xətt marşrutu ilə hərəkətdə olan sərnişin avtobusunun qarşısına qəflətən yolu keçməyə çalışan piyada çıxıb. Sürücü əyləci basaraq avtobusu saxlayan zaman arxadan gələn “Kia” markalı avtomobil ona çırpılıb. Hadisə zamanı sərnişin avtobusu dayanacağa getdiyindən boş olub. Qəza nəticəsində xəsarət alan olmayıb.
Hadisə yerinə Bakı Şəhər Dövlət Yol Polis İdarəsinin əməkdaşları cəlb olunub. Sürücülərin izahatları alınıb. Avtomobillər evakuator vasitəsi ilə cərimə meydançasına aparılıb.
Qəzanın səbəblərinin müəyyən edilməsi istiqamətində başlanan araşdırmalar davam etdirilir.