Binəqədidə minik avtomobili yolu keçmək istəyən piyadanı vurub - FOTO

Bakı. 15 yanvar. REPORT.AZ/ Bakıda minik avtomobili piyadanı vurub.

"Report" xəbər verir ki, hadisə Binəqədi rayonunda baş verib.

Belə ki, 1978-ci il təvəllüdlü Həmidov Cəsarət Böyükağa oğlu Azadlıq prospektində yolu keçmək istəyərkən onu "Mercedes" markalı, 90-CP-202 dövlət qeydiyyat nişanlı avtomobil vurub. Yaralı xəstəxanaya yerləşdirilib. Onun vəziyyəti orta ağırdır.

Faktla bağlı Binəqədi Rayon Polis İdarəsi tərəfindən araşdırma aparılır.