Biləsuvarda həyat yoldaşının dəm qazından zəhərləndiyini eşidən kişi qəfildən vəfat edib

Biləsuvar rayonunda bədbəxt hadisə baş verib.

"Report"un məlumatına görə, hadisə rayonun Aşağı Cürəli kəndində qeydə alınıb.

İlkin ehtimala görə, kənd sakini, 1964-cü il təvəllüdlü X.Mehdiyeva dəm qazından zəhərlənib və o, rayon mərkəzi xəstəxanasına çatdırılıb.

Qadının dəm qazından zəhərləndiyi xəbərindən təsirlənən həyat yoldaşı, 1956-cı il təvəllüdlü Gülağa Mehdiyev isə qəfildən dünyasını dəyişib.

Faktla bağlı araşdırma aparılır.