Biləsuvar. 22 fevral. REPORT.AZ/ Biləsuvar rayonunda baş verən ağır yol-nəqliyyat hadisəsi zamanı xəsarət alan şəxslərin adı məlum olub.
"Report"un yerli bürosu xəbər verir ki, rayon sakini Tahir Murtuz oğlu Babayev idarə etdiyi “VAZ-21011” markalı avtomobillə hərəkətdə olarkən idarəetməni itirib və əks tərəfdən gələn, rayon sakini Vaqif Elvin oğlu Musayevin idarə etdiyi “VAZ-2107” markalı avtomobilə çırpılıb. Hadisə nəticəsində hər iki sürücü müxtəlif dərəcəli bədən xəsarətləri ilə Biləsuvar Mərkəzi Rayon Xəstəxanasına çatdırılıb.
Xəstəxanadan bildirilib ki, hər iki yaralının vəziyyəti ağırdır.
***15:23
Biləsuvar. 22 fevral. REPORT.AZ/ Biləsuvar rayonunda ağır yol-nəqliyyat hadisəsi baş verib.
"Report"un Aran bürosu xəbər verir ki, hadisə Biləsuvar şəhəri ərazisndə baş verib.
Belə ki, “VAZ-21011” markalı avtomobillə “VAZ-2107” markalı avtomobil toqquşub. Hər iki avtomobil deformasiyaya uğrayıb.
Hadisə nəticəsində iki nəfərin ağır yaralandığı bildirilir.
Faktla bağlı araşdırma aparılır.