Beynəlxalq Bankın daha bir sabiq əməkdaşının məhkəməsi başlayıb

Bakı. 12 oktyabr. REPORT.AZ/ Bu gün Bakı Ağır Cinayətlər Məhkəməsində "Azərbaycan Beynəlxalq Bankı" ASC-nin mənimsəmədə təqsirləndirilən sabiq əməkdaşı Elnur Nağıyevin cinayət işi üzrə məhkəmə prosesi başlayıb.

"Report"un xəbərinə görə, hakim Mahmud Ağalarovun sədrliyi ilə keçirilən prosesdə dövlət ittihamçısı ittiham aktını elan edib.

İttihama görə, 1985-ci il təvəllüdlü E.Nağıyev "Azərbaycan Beynəlxalq Bankı" ASC-nin filiallarından birində aparıcı mütəxəssis vəzifəsində çalışarkən vəzifə saxtakarlığı edib. O, vəzifəsindən sui-istifadə edərək, 19 min manat mənimsəyib. 

E.Nağıyev ittihamla özünü təqsirli bildiyini söyləyib. Məhkəmədə məlum olub ki, sabiq bankir dəymiş zərəri ödəyib.

Qeyd edək ki, E.Nağıyev Cinayət Məcəlləsinin 179.3.2-ci (mənimsəmə, külli miqdaeda törədildikdə) və 313-cü (vəzifə saxtakarlığı) maddələri ilə ittiham olunur.

Onun barəsində həbs qətimkan tədbiri seçilməyib və hazırda ev dustaqlığındadır.