Yuxarı
    Bağlamaq

    Beyləqanda içərisində qızıl olan avtomobili oğurlamaq istəyən şəxs tutulub

    Bakı. 3 yanvar. REPORT.AZ/ Beyləqan rayonunda içərisində qızıl olan avtomobili oğurlamaq istəyən şəxs tutulub.

    DİN Mətbuat Xidmətinin Bərdə regional qrupundan "Report"un Qarabağ bürosuna verilən məlumata görə, Beyləqan Rayon Polis Şöbəsinin əməkdaşları tərəfindən oğurluğa cəhd edən şəxslər saxlanılıb.

    Belə ki, Beyləqan rayon sakini Eldəniz Qarayevə məxsus “VAZ-21074” markalı maşının yük yerindəki 5600 dəyərində olan qızıl-zinət əşyalarını maşınla birlikdə qaçırmaq istəyən rayon sakini Teymur İsgəndərov saxlanılaraq istintaqa təhvil verilib. Polis əməkdaşlarının çevikliyi sayəsində onun bu əməlinin qarşısı alınıb.

    T. İsgəndərovun ətrafında aparılan araşdırmalarla onun əlbir olduğu şəxs də müəyyən edilərək saxlanılıb. Bakı şəhər sakini Eknur Ağaşirinli şübhəli şəxs qismində Beyləqan RPŞ-yə gətirilib. Dindirilmə zamanı onlar törətdiyi cinayət əməlini etiraf ediblər.

    Faktla bağlı cinayət işi açılıb, araşdırmalar davam etdirilir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi