Bərdədə “Toyota Prius” traktorla toqquşub, 6 nəfər xəsarət alıb

Bərdədə yol qəzası olub.

"Report"un Qarabağ Bürosunun məlumatına görə, hadisə Alpout kəndində qeydə alınıb.

Belə ki, “Toyota Prius” markalı minik avtomobili traktorla toqquşub.

Hadisə nəticəsində hər iki nəqliyyat vasitəsində olan 6 nəfər - Məmmədli kənd sakinləri Həsənov İlham Vəli oğlu, İsmayılov Qoşqar Həsən oğlu, Gülməmmədov Etibar İsmayıl oğlu, Qasımov Elməddin Murad oğlu, Yaqubov Əvəz Səfər oğlu və Bakı şəhər sakini Şaiq Arif oğlu Cabbarov müxtəlif dərəcəli bədən xəsarətləri ilə Bərdə Rayon Mərkəzi Xəstəxanasına yerləşdirilib.

Fakt araşdırılır.