Bərdədə qaynaqçı üzərinə darvaza düşməsi nəticəsində ölüb

Bakı. 24 fevral. REPORT.AZ/ Bərdədə qaynaqçı üzərinə darvaza düşməsi nəticəsində ölüb.

"Report"un verdiyi xəbərə görə, hadisə rayonun Qasımbəyli kəndində qeydə alınıb.

Həmin kənddə yerləşən təmir sexində rayon sakini Eyyub Muxtarov qaynaq etdiyi dəmir darvazanın üstünə düşməsi nəticəsində ölüb.

Faktla bağlı araşdırma aparılır.