Bərdədə piyadanı vurub qaçan sürücü tutulub

Bakı. 16 mart. REPORT.AZ/ Bərdə rayonunun Qazqurdalı kəndində piyadanın ölümü ilə nəticələnən yol-nəqliyyat hadisəsini törədən sürücü tutulub.

"Report"un xəbərinə görə, sürücü istintaqa təhvil verilib.

Xatırladaq ki, dünən "VAZ-2107" markalı avtomobil yolu keçmək istəyən yaşlı qadını vurub.

Qəza nəticəsində 60 yaşlı rayon sakini Hüseynova Sona Əli qızı hadisə yerində ölüb. Sürücü Çingiz Cəfərov ərazidən qaçıb.

Faktla bağlı Bərdə Rayon Polis Şöbəsinin İstintaq bölməsində cinayət işi başlanıb, araşdırma aparılır.