Baykal gölündə 6 bal gücündə zəlzələ olub

Bakı. 4 fevral. REPORT.AZ/ Rusiyanın İrkutsk vilayətində zəlzələ olub. "Report" "İnterfaks" agentliyinə istinadən xəbər verir ki, Baykal gölünün akvatoriyasında qeydə alınan yeraltı təkanların gücü 6 bal təşkil edib.

Zəlzələ ötən axşam Bakı vaxtı ilə saat 20.27 radələrində qeydə alınıb.

Yeraltı təkanların episentri gölün mərkəzində yerləşən Olxon adasında olub.

Dağıntı və xəsarət alanlar barədə məlumat verilmir.