Baş prokurorun birinci müavini: "Gəncəyə ən qəddar raket hücumu oktyabrın 17-də olub"

"Miqyas baxımından Gəncəyə ən qəddar raket hücumu 17 oktyabrda olub".

"Report"un Qərb bürosunun xəbərinə görə, bunu Gəncədə səfərdə olan Baş prokurorun birinci müavini Elçin Məmmədov deyib.

O bildirib ki, hücum nəticəsində 15 nəfər şəhid olub, 79 nəfər isə müxtəlif dərəcəli bədən xəsarətləri alıb:

"Dağıntıların əhatə dairəsi isə 400 min kvadrat metr təşkil edib. İstintaq zamanı 3 875 yaşayış evi və ya mənzil, 33 qeyri-yaşayış obyekti, 92 nəqliyyat vasitəsinin yararsız hala salınması müəyyən edilmişdi".