Baş prokuror rəisi işdən çıxartdı

Baş Prokurorluğun Dövlət İttihamının Müdafiəsi üzrə İdarənin rəisi, III dərəcəli dövlət ədliyyə müşaviri İlqar Cəfərov vəzifəsindən azad edilib.

“Report”un xəbərinə görə, bununla bağlı Baş prokuror Zakir Qaralov əmr imzalayıb.

Əmrə əsasən, İ.Cəfərov başqa işə keçirilməklə əlaqədar işdən çıxarılıb.

Baş Prokurorluğun Mətbuat Xidməti “Report”a faktı təsdiqləyib.