Bakının iki avtomagistralında sürət həddi endirilib

Bakı. 18 fevral. REPORT.AZ/ Yağışlı hava ilə əlaqədar olaraq, paytaxtın iki əsas avtomagistralında - Heydər Əliyev prospektindən Buzovna dairəsinədək və Zığ dairəsi - Hava limanı yolunda bütün zolaqlar üzrə sürət həddi 20 km/saata endirilib.

Bu barədə "Report"a Bakı Nəqliyyat Agentliyinin sektor müdiri Mais Ağayev deyib.

M.Ağayevin sözlərinə görə, məqsəd yollarda hərəkətin təhlükəsizliyini təmin etməkdir.

Sürücülərə tövsiyə edilir ki, yollardakı sürət həddinə əməl etsinlər.