Bakının Heydər Əliyev prospektində yol qəzası baş verib

Hazırda Bakının Heydər Əliyev prospektində sıxlıq müşahidə edilir. 

"Report" xəbər verir ki, bu barədə Bakı Nəqliyyat Agentliyinin mətbuat katibi Mais Ağayev məlumat verib. 

Onun sözlərinə görə, buna səbəb bu gün saat 12 radələrində prospektin metronun "Koroğlu" stansiyasının yaxınlığından keçən hissəsində yol qəzasının baş verməsidir: "Bu səbəbdən həm əsas, həm də köməkçi yolda nəqliyyat vasitələrin hərəkətində sıxlıq müşahidə olunur".