Yuxarı

Bakıda zəncirvarı yol qəzası baş verib

Faktla bağlı araşdırmalar davam etdirilir

Bakı. 1 dekabr. REPORT.AZ/ Bakıda zəncirvarı yol qəzası baş verib. "Report"un məlumatına görə, Yasamal rayonunda, Abbas Mirzə Şəfizadə küçəsində qeydə alınan qəza zamanı idarəetməni itirən sürücü idarə etdiyi avtomobili yol kənarında dayanan avtomobillərə çırpıb.

Belə ki, Şərifzadə küçəsi ilə Mətbuat prospekti istiqamətində yüksək sürətlə hərəkət edən "Volkswagen" markalı minik maşını yol kənarında dayanan "QAZ-3110" və "Azsamand" markalı avtomobilləri vurub. Qəza nəticəsində xəsarət alan olmayıb. Lakin hər üç avtomobilə ciddi ziyan dəyib. Yol Patrul Xidmətinin əməkdaşları hadisə yerində müayinələr aparıblar. Qəzaya səbəb olan "Volkswagen" evakuasiya edilib və cərimə meydançasına aparılıb.

Faktla bağlı araşdırmalar davam etdirilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi