Yuxarı
    Bağlamaq

    Bakıda zəncirvari yol qəzası baş verib, 2 nəfər ölüb, 3-ü yaralanıb - FOTO - YENİLƏNİB-2

    Maşın yol kənarında duran piyadanı vuraraq ağaca çırpıb

    İlk xəbər 01:28-də dərc olunub

    Bakı. 31 mart. REPORT.AZ/ Bakının Yasamal rayonu ərazisində ağır zəncirvari yol qəzası baş verib.

    "Report" xəbər verir ki, hadisə Cəfər Cabbarlı küçəsində yüksək sürətlə hərəkət edən "Mercedes" markalı avtomobilin digər iki "Mercedes" ilə toqquşması nəticəsində qeydə alınıb.

    Qəza zamanı 2 nəfər ölüb, 4 nəfər yaralanıb. Ölənlərdən biri qəzanı törədən avtomobilin sürüsü, 1992-ci il təvəllüdlü Binnətli Salman Natiq oğlu, digəri isə yol kənarında duran piyada - 1983-cü il təvəllüdlü Əliyev Elçin Namiq oğludur.

    Qəza zamanı 1991-ci il təvəllüdlü Əhməd Müzəffərov, 1995-ci il təvəllüdlü Əmrah Əliyev, 1994-cü il təvəllüdlü Anar Feyzullayev, həmçinin təvəllüdü və soyadı hələ ki, məlum olmayan Adil adlı şəxs müxtəlif dərəcəli bədən xəsarətləri alıb. Sonuncu şəxsin xəsarəti yüngül olduğundan o, evə buraxılıb. Qəza zamanı ağır kəllə-beyin travması alan Əhməd Müzəffərovun vəziyyəti kritikdir.  Yaralılar qəzanı törədən avtomobilin sərnişinləri olublar.

    Əraziyə 4 "təcili yardım" maşını və polis əməkdaşları cəlb olunub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi